O grupo de música folk Ardentía vén de lanzar o seu primeiro vídeo en directo, protagonizado polo tema A Chiviña. Esta peza é a primeira dunha serie de dous vídeos gravados ao vivo no acolledor e creativo espazo de Beabesada Estudio. 

Con esta estrea, Ardentía dá un paso máis na súa traxectoria musical, ofrecendo unha interpretación chea de forza e emoción que reflicte toda a esencia da súa proposta folk galega. 

A Chiviña xa está dispoñible para desfrutar nas súas redes sociais e tamén na súa canle de YouTube.