Un ano máis, teño o pracer de anunciar a miña participación na XLV Festa do Gaiteiro, que se celebrará o vindeiro sábado, 31 de agosto, en Soutelo de Montes. Este evento, que honra a figura do gaiteiro Avelino Cachafeiro, é sempre unha cita especial. 

Este ano será aínda máis significativo, pois conmemoramos o centenario do seu nomeamento como mellor gaiteiro de Galicia no histórico concurso celebrado na Praza da Quintana, en Santiago de Compostela, no ano 1924.

Nesta ocasión, acompañarei á pregoeira Rosario Álvarez, presidenta do Consello da Cultura Galega, no acto de homenaxe que terá lugar pola mañá. Para este momento especial, interpretarei unha peza do repertorio dos Gaiteiros de Soutelo.

Estades todos convidados a compartir connosco esta xornada de música e lembranza.