Ruben Troitiño
www.rubentroitino.com
www.rubentroitino.com
Proxectos
Recuperando sons
Unha parte fundamental das investigacións é recuperar as vellas sonoridades da comarca da Terra de Montes, cun obxectivo claro de revivir as melodías e instrumentos ancestrais dese territorio. Todo isto encádrase no proxecto Músicas da Terra de Montes.
Punteiro de Avelino Cachafeiro, o gaiteiro de Soutelo
Homenaxe a Avelino Cachafeiro - Sábado, 16 de abril de 2022
Evento organizado polo Concello de Forcarei no cemiterio de Soutelo de Montes, no que participaron a alcaldesa do concello, Verónica Pichel, Juan Bautista Alberte, sobriño e portavoz do legado de Avelino Cachafeiro, a banda de gaitas de Forcarei e Rubén Troitiño, interpretando a Alborada de Rosalía de Castro xunto a Valentín Romero na percusión, usando un dos punteiros orixinais de Avelino.
Fotografías de Noelia Ratel.
Rubén Troitiño e Bautista Alberte.
Valentín Romero (percusión) e Rubén Troitiño (gaita)
Punteiro de Manuel Cabada, o gaiteiro de Seoane
O sábado 7 de maio de 2022, ás 20:00h, tivo lugar no Auditorio de Soutelo de Montes (Forcarei) o VII Festival de música tradicional, un evento organizado pola banda de gaitas do concello de Forcarei e presentado por Verónica Rilo.
O festival destacou pola emotiva homenaxe a Manuel Cabada Muras, o destacado gaiteiro de Seoane.
Fotografías de Noelia Ratel.
No seguinte vídeo, poderedes escoitar un breve fragmento da actuación de Rubén Troitiño co punteiro do gaiteiro de Seoane, que volveu a soar despois de case 50 anos.
Outros instrumentos recuperados
Gaita de Julio Durán (Cerdedo)
Gaita de Pedro Prado (Fontenla - Forcarei)
Gaita de Ramón José Lavandeira Limeres (Cerdedo)
Gaita de Ramón José Lavandeira Limeres (Cerdedo)
Pezas recuperadas das gaitas de Avelino Cachafeiro, o gaiteiro de Soutelo.
Fliscorno de Eduardo Troitiño
Partitura de Eduardo Troitiño
Tuba (Baixo)
Tromón
Clarinete
Pratos pequenos
Atril instrumento
Boquillas
Maza
Boquilla
Castañolas con mango
Outros proxectos
Recuncho adicado á música da comarca da Terra de Montes, centrándose na conservación, estudo e difusión das zonas do concello de Forcarei e antigo concello de Cerdedo creado polo músico Rubén Troitiño.
Redescubrindo aos gaiteiros de Soutelo
Redescubrir a historia deste cuarteto da Terra de Montes mediante documentación orixinal coma revistas da época, discos de pizarra cos seus catálogos impresos ou mesmo algún dos punteiros empregados. Todo isto acompañado de fotografías inéditas e datos que chegaron ata nós intentando aportar unha nova visión da historia do cuarteto, sen deixar de lado a figura do Avelino Cachafeiro, o gaiteiro de Soutelo.
Parte fundamental das investigacións levadas a cabo é recuperar aquelas vellas sonoridades da comarca da Terra de Montes, así é como se pretenden recuperar intrumentos antigos desa zona. Esto enmárcase dentro do Arquivo virtual das músicas da Terra de Montes.
Idea orixinal de Rubén Troitiño que xurde a través da necesidade de facerlle unha homenaxe a toda persoa, grupo de música ou institución que dedicaron a súa vida á conservación e difusión da música tradicional galega sendo esta parte fundamenta da cultura e tradición de Galicia.
Composicións e arranxos creados para diferentes formacións musicais. Neste apartado poderedes escoitar algún que outro tema.