Ruben Troitiño
www.rubentroitino.com

Proxectos

Redescubrindo aos gaiteiros de Soutelo

O principal obxectivo desta charla é redescubrir a historia do grupo Os Gaiteiros de Soutelo a través da recopilación e análise de documentación. Para iso, poderemos ver documentos orixinais, coma revistas da época, os discos de pizarra cos seus catálogos impresos ou mesmo algún dos punteiros que empregaban.

Ademais, recopilouse unha serie de fotografías inéditas e outros datos históricos que chegaron ata os nosos días, co fin de ofrecer unha nova visión da historia do cuarteto e a súa relevancia dentro da música galega. Préstase especial atención á figura de Avelino Cachafeiro, o Gaiteiro de Soutelo, quen tivo un papel fundamental dentro desta formación.

A través da exploración da historia desta agrupación, espérase que os asistentes poidan apreciar e valorar aínda máis o traballo realizado e o seu legado musical e histórico.

Esta charla foi presentada en diversos encontros culturais, destacando os seguintes eventos:

Co gallo do centenario do nomeamento de Avelino Cachafeiro como mellor gaiteiro de Galicia (1924-2024), desenvolveuse unha nova edición da charla cun enfoque especial na súa figura. O Consello da Cultura Galega acolleu no Pazo de Raxoi unha xornada que conectou dúas figuras fundamentais na configuración da identidade cultural galega: Avelino Cachafeiro Bugallo, o "Gaiteiro de Soutelo", e Alfonso Daniel Rodríguez Castelao, intelectual galeguista e artista. O acto enmarcouse no 75º cabodano de Castelao e no centenario do recoñecemento de Avelino como o mellor gaiteiro de Galicia, resaltando así a importancia do seu legado na cultura galega.

Esta versión da charla foi presentada en:

Museo de Pontevedra

27 de xuño de 2024

III Xornadas da Gaita - Asociación de Gaiteiros Galegos

23 de outubro de 2022

XLII Festa do Gaiteiro de Soutelo

21 de agosto de 2021

Compartindo mesa con Juan Bautista Alberte, sobriño e voceiro do legado de Avelino Cachafeiro e Xosé Manoel Rivas Troitiño, autor do libro O Gaiteiro de Soutelo.

Outros proxectos

Músicas da Terra de Montes

Recuncho adicado á música da comarca da Terra de Montes, centrándose na conservación, estudo e difusión das zonas do concello de Forcarei e antigo concello de Cerdedo creado polo músico Rubén Troitiño.

Redescubrindo aos gaiteiros de Soutelo

Redescubrir a historia deste cuarteto da Terra de Montes mediante documentación orixinal coma revistas da época, discos de pizarra cos seus catálogos impresos ou mesmo algún dos punteiros empregados. Todo isto acompañado de fotografías inéditas e datos que chegaron ata nós intentando aportar unha nova visión da historia do cuarteto, sen deixar de lado a figura do Avelino Cachafeiro, o gaiteiro de Soutelo.

Recuperando sons

Parte fundamental das investigacións levadas a cabo é recuperar aquelas vellas sonoridades da comarca da Terra de Montes, así é como se pretenden recuperar intrumentos antigos desa zona. Esto enmárcase dentro do Arquivo virtual das músicas da Terra de Montes.

Proxecto Homenaxe

Idea orixinal de Rubén Troitiño que xurde a través da necesidade de facerlle unha homenaxe a toda persoa, grupo de música ou institución que dedicaron a súa vida á conservación e difusión da música tradicional galega sendo esta parte fundamenta da cultura e tradición de Galicia.

Composicións e arranxos

Composicións e arranxos creados para diferentes formacións musicais. Neste apartado poderedes escoitar algún que outro tema.